O GALEGO NO COLE

E rematamos este curso, con algúns dos moitos traballiños feitos polo noso alumnado onde o galego está moi presente.

CONCURSOS:

Participamos no concurso "O Parque Nacional coa Escola" do Parque Nacional Marítimo Terrestre das Illas Atlánticas de Galicia e foi premiado cunha visita guiada á Illa de Ons cos guías do Parque Nacional.
Os contos premiados elaboráronse de xeito colectivo e neles participou o alumnado e as familias.
Os traballos están expostos no Centro de Visitantes do Parque Nacional de Vigo (rúa Oliva 3).
Adxuntamos como mostra un dos contos: "Lúa e os seus amigos mariños", que está elaborado con diferentes técnicas e inclúe unha maqueta dos personaxes do conto.

RECOMENDAMOS LIBROS:

Creativas e Os soños de Lenda

Erín e o lobo

TRABALLAMOS O 8M:

PALABRAS ESTRELA:

                        

ESPALLANDO O GALEGO POLO COLEXIO:

Os maiores do cole, expuxeron os seus traballos a outros nenos e nenas de diferentes aulas.

Tamén noutros cursos fixeron os seus traballiños en galego.

COLABORACIÓNS

Para celebrar o Día das Letras Galegas no cole, o alumnado de 5º e 6º de primaria, representaron  unha obra de teatro onde fixeron un percorrido pola vida e a obra de Begoña Caamaño.

Todo o alumnado foi a vela, incluso tiveron unha visita inesperada: o alcalde de Vigo, Abel Caballero, non quixo perderse esta función.

No seguinte enlace podedes ver a noticia:

https://xornal.vigo.org/noticias/33462-o-alcalde-celebra-o-dia-das-letras-galegas-co-ceip-o-pombal

Tamén colaboramos coa biblioteca de proximidade X. Neira Vilas, facendo unha exposición cos traballos feitos polo noso alumnado para coñecer e lembrar a Begoña.

E rematamos esta semana adicada ás Letras Galegas e a Begoña Caamaño, cunha merendola para agradecer todo o esforzo que fixo a nosa rapazada.

"LAPEXADA NO POMBAL"

BEGOÑA CAAMAÑO

Este ano, coma ven sabedes, o Día das Letras Galegas está adicado a Begoña Caamaño. 

Veciña do noso barrio do Calvario, loitou sempre pola xustiza, polo galego e pola igualdade, tecendo redes de amizade e escribindo. Nas súas obras, deulles voz e puxo no centro a mulleres que a literatura deixara nun segundo plano.

Na seguinte presentación podedes ver e escoitar un pouquiño máis sobre a súa vida.

Na sala de mestres, tamén deixamos moitas actividades e información sobre Begoñísima.

No seguinte enlace, podedes descargar máis propostas de actividades para traballar nos distintos niveis:

https://drive.google.com/drive/folders/1_oYknwqSRK9qI9SrYx0VdNduploFgp8K

 PARA SABER MÁIS , PREME NAS IMAXES

Min: 39:45

    

      

PARA  "AQUELAS QUE DIXERON NON"

A CONEXIÓN LITERARIA FEMINISTA DO DÍA DAS LETRAS GALEGAS 2026

PARA COLOREAR:

PREME NA IMAXE

BIBLIOGRAFÍA:

Sinopse

A través dos textos de Icía e Xosé Manuel Varela e as evocadoras ilustracións a dobre páxina de Nerea Gómez, o alumnado poderá mergullarse: Na pegada vital da autora: Desde a súa infancia no Calvario e a súa formación, ata a súa faceta como xornalista de radio e prensa e o seu incansable activismo social. Nos recursos didácticos integrados: O libro inclúe mapas do mundo grego e da Materia de Bretaña, así como redes de personaxes que facilitan a comprensión das súas grandes obras, Circe ou o pracer do azul e Morgana en Esmelle. No legado de actualidade: Outros capítulos amósanos a presenza viva e actual do legado da autora das letras como foi a homenaxe Begoñísima ou a mención ao seu premio homónimo que permiten traballar na aula valores como a igualdade, a sororidade e a memoria histórica. Escoller este libro para o centro supón dotar á biblioteca dunha peza de coleccionista que combina o rigor informativo coa beleza estética. É a ferramenta ideal para que o alumnado conecte emocionalmente cunha muller que soubo viaxar polas nosas raíces para explicarnos o mundo contemporáneo.

Sinopse

 A vida de Begoña Caamaño, a autora homenaxeada nas Letras Galegas 2026, foi un fío extraordinario que se pode seguir nas páxinas desta biografía ilustrada. Desde a súa infancia inventando xogos ata converterse nunha das voces máis importantes da radio, do activismo e da literatura galega, Begoña loitou sempre pola xustiza, polo galego e pola igualdade, tecendo redes de amizade e escribindo. Nas súas obras, deulles voz e puxo no centro a mulleres que a literatura deixara nun segundo plano. O fío de Begoña rompeu cedo de máis, pero os fíos da memoria permanecen e manteñen vivo o legado dunha figura clave na cultura galega contemporánea.

Sinopse

Begoña Caamaño, a escritora homenaxeada nas Letras Galegas de 2026, foi unha muller excepcional que fixo da palabra un acto de rebeldía e sororidade. Nesta biografía novelada, catro voces míticas -Circe, Penélope, Morgana e Xenebra- reúnense para narrar a vida desta autora fundamental, desde a súa infancia en Vigo ata o seu papel clave na cultura galega contemporánea. Xornalista, activista e escritora, Begoña Caamaño loitou pola igualdade, a dignidade e a liberdade nunha Galicia en transformación, tecendo redes de amizade e compromiso. Un relato apaixonante que nos convida a descubrir a forza da amizade, a importancia da memoria e o poder das mulleres que, como Begoña, lles devolveron a voz ás esquecidas.

Sinopse

"É o momento non de cambiar as regras, senón de cambiar o xogo. É o momento de mudar o mundo, de introducir transformacións profundas e estruturais, pero tamén conceptuais; é o momento do feminismo, é dicir, da xustiza, da igualdade, da liberdade, da dignidade e tamén, por que non?, da felicidade".

A nena que perdeu un zapato na lama axuda a comprender as raíces da obra posterior de Caamaño, marcada pola atención ás voces silenciadas, pola relectura do mito e pola vontade de pensar o mundo desde outros puntos de vista. Nestra proposta, desvélanse algunhas das claves vitais e simbólicas da autora homenaxeada.