PALABRA ESTRELA

Xa temos a palabra estrela deste trimestre.

Cada titoría elexiu a súa palabra estrela e tiveron que buscar a súa definición, etimoloxía e escribir unha oración na que aparecera.

Despois colocáronse nos paneis que temos na entrada do cole.

Unha vez expostas todas, cada curso votou pola súa favorita. 

E a gañadora foi ...

                        

  

DÍA INTERNACIONAL DA ELIMINACIÓN DA VIOLENCIA CONTRA A MULLER

Dende o equipo de normalización, propuxemos diferentes actividades para traballar nas aulas e que deixamos na sala de mestres .

O MURO DO BO TRATO 

(actividade proposta por @amaxiadeaprender)

Cada neno/a escribiu unha palabra e pegouna nun ladrillo para facer o noso particular muro.

MAGOSTO

Aquí vos deixamos un pequeno resumo da festa do magosto.

MAGOSTO

HISTORIA DO MAGOSTO.

Recibe este nome a festa que se organiza no mes de novembro, especialmente o día de Todos os Santos e o de San Martín para asar e posteriormente comer as castañas.

Antigamente era frecuente acompañar os magostos con viño novo.
Normalmente as mozas achegaban as castañas e os mozos o viño. Tamén se comía pan de trigo e outros alimentos da época.

Terminaba o magosto con xogos e bailes. O xogo máis común era o de tiznarse a cara uns a outros con cinza.

Os zonchos eran colares ou rosarios de castañas cocidas coa monda e atravesadas cun fío, esta é un costume que hoxe en día aínda se mantén.

Actualmente realízanse os magostos en case todos os lugares de Galicia, pois se tenta recuperar o costume, aínda que só se da importancia ao feito para comer as castañas e facer a festa.

XOGO:

RECURSOS:  (Preme na imaxe)

REFRÁNS:

Castañas, noces e viño

fan as delicias do San Martiño.

Xa sopra o vento 

¡chegou o momento!

Cun amplo sorriso 

regaña o ourizo. 

Ven Santos chuvioso

con moitos magostos

¡As ricas castañas

quentiñas asadas! 

A castaña ten unha maña

que se vai con quen a apaña.

A castaña no ourizo 

eu ven che sei o que fai.

Se é que está verde, madura 

e se está madura, cae.

E festa faremos grandes e pequenos.

Arredor do lume Estouros e fume.

Co negro tizón ¡vaia diversión! 

tiznareiche a cara ¡despois a lavala! 

Con ricos magostos 

e contos fermosos

¡Feliz San Martiño!

farto e entretido. 

ADIVIÑANZAS: 

Está en MES e non en TRES 
Repítome tres veces en CASTAÑA. 
Son a primeira letra de GUSTO. 
Son a última letra da frase anterior. Quedo no medio de FESTA.
Aparezco no SOUTO e desaparezco en SOUBO.
Son a letra que se repite en OUTONO. 

(MAGOSTO) 

Ten pelexo como a xente,
e é moi boa para comer; 
chega polo mes de Santos
e todo o ano a tés. 

(CASTAÑA)

Alto me vexo no meu capelexo,
 por unha risada quedei sen nada.

(CASTAÑA)

No aire se cría, no aire se ten; 

bota unha risada e perde o que ten

(CASTAÑA)

Unha cousiña cousa, 

criada no monte,

enxoita na casa 

e cómese sen tasa.

(CASTAÑA)

Alto vivo, mírame a xente

e se me río quedo sen dente.

(CASTAÑA)

 Alto estou cor de ouro teño

 e por unha risotada perdo o que teño.

(CASTAÑA)

Na semana do magosto, nas clases de Educación Física, practican a colección de xogos populares da Concellería de Xuventude do Concello do Grove para así saber xogar o día da festa.

MÚSICA:

  

Na próxima entrada, poderemos ver que ben o pasamos!!!

CELEBRÁMO-LO SAMAÍN

Aquí vos deixamos unha pequena mostra de como traballamos O Samaín no cole.

Samaín

Orixe e significado do Samaín

Samaín provén da palabra gaélica "Samhain", que significa "fin do verán".
Era o momento no que os celtas conmemoraban o cambio de estación (de verán ao inverno). Tamén coincidía co momento no que as ánimas dos defuntos visitaban os seus fogares e familiares ao longo da noite.

Segundo a tradición, sería un día no que coincidirían os vivos e os mortos e, para que os atopasen, os vivos poñían luces nas súas xanelas que lles orientasen no seu camiño. Inicialmente adoitaban usar nabos e, un tempo despois, impúxose a cabaza.



Tradición do Samaín en Galicia

Desde hai uns anos está a recuperarse esta tradición celta grazas, entre outras cousas, á tarefa do profesor Rafael López Loureiro, que documentou a galeguidade do Samaín e promoveu o rescate desta festa por toda Galicia.

Empezou por recuperar na súa Cedeira natal a "tradición das caveiras", que se converteu en todo un reclamo turístico.

Pero hai moitos pobos e vilas de Galicia que contan cos seus propios costumes e tradicións de Samaín.



A cabaza, a gran protagonista do Samaín

Non hai Samaín sen cabazas. Porque o costume máis arraigado desta tradición é a elaboración de cabazas "terroríficas". Decóranse con caras que dan medo, colocándolles pequenos paus a modo de dentes e poñendo unha vela dentro da cabaza para escorrentar aos malos espíritos ao longo desa noite.

Pero cada zona ten o seu propio ritual coas cabazas do Samaín en Galicia.

Así, en Quiroga, despois de decorala, consérvase para empregala como máscara no entroido.

En Ribadavia teñen a súa "Noite Meiga", durante a que veciños/as e visitantes ataviados con disfraces "terroríficos" desfilan polo centro histórico da vila.

En Catoira, esa noite sae a "Procesión das caveiras" a percorrer as rúas. Participan nenos e adultos cos seus disfraces aterradores e levan as súas cabazas iluminadas con velas.

Na zona das Rías Baixas, ás cabazas chámanlles "calacús". Así, en Pontevedra celébrase "A noite dos calacús" na que maiores e pequenos decoran os seus "calacús" nun taller e logo colócanos nas xanelas e portas dos edificios da zona vella da cidade para que iluminen a noite.

Samaín en Galicia, noite de disfraces

Outra das tradicións máis populares desta noite de Samaín en Galicia é disfrazarse.

Cal é o motivo? Antigamente en Galicia vestíanse con peles e cabezas de animais para escorrentar as bruxas e os espíritos malignos.

E así chegamos ata hoxe. Mantéñense os disfraces, aínda que con outro tipo de vestimentas, sempre relacionados con situacións terroríficas e, por suposto, mantendo o bo humor e a alegría.

COÑECE A ORIXE E AS LENDAS DO SAMAÍN:

PASAPALABRA SAMAÍN :

E se queredes saber como o Samaín deu paso ao americano Halloween mirade este divertidísimo vídeo.

   

Na sala de mestres do cole, deixamos unha cesta moi terrorífica con diferentes actividades para o alumnado.

MÚSICA:

CANCIÓN OS MONSTRIÑOS

UXÍA LAMBONA E A BANDA MOLONA - O SAMAÍN

SAMAÍN (Con pictogramas)

CANCIÓN: CORRE, CORRE CABACIÑA

"BRINCA VAI!": NO SAMAÍN

MARÍA FUMAÇA: "MEDO ME DA"

A MODA DO SAMAÍN:

SAMAÍN:

COREOGRAFÍAS: 

BENVIDOS/AS AO NOVO CURSO 2025 -26 !

 Estreamos o novo curso 2025-26 e con el o novo proxecto de centro:

Cartel diseñado polo equipo de biblioteca

Aprenderemos moito sobre arte, pero non só de cuadros, senón de esculturas, arquitectura, música, cine,...

Tamén viaxaremos por diferentes estilos artísticos , trasladarémonos a outras épocas e entraremos nos museos máis famosos do mundo .

 O Equipo de Dinamización Lingüística ofrécevos  un Quiz con preguntas para ver canto sabes desta temática.

Preme na imaxe e comeza a xogar.

Dende a biblioteca e o equipo de actividades complementarias e extraescolares do cole, propuxeron unha actividade moi colorida.

CELEBRAMOS AS LETRAS GALEGAS E OS MAIOS 2025

Este curso celebramos conxuntamente as Letras Galegas e os Maios nun acto cheo de música galega e sorpresas.

Para quentar motores, a celebración comezou con Zoe, Manu, Martín, Miguel e Dominick, de 4º, cantando "Oliveira dos 100 anos", todo un símbolo na nosa cidade.

O alumnado de 6º EP presentou o acto e entregou os premios do Certame Musical, en homenaxe ás cantareiras ás que se dedicaba este ano o Día das Letras Galegas. A participación foi altísima: máis de 50 alumnas e alumnos animáronse a cantar en galego e case a metade foron premiados. A calidade das participacións foi incrible e demostra que a tradición musical do galego está moi viva.

Puidemos gozar de actuacións tan especiais como a de Diego, de 3º, quen musicalizou un poema que lle gustou. Foi moi valente pois só leva aprendendo galego uns meses e conseguiu moitísimos aplausos!

As irmás Zoe e Zaida, de 4º e 6º, deixaron abraiado ao público co seu dominio de pandeireta e o canto tradicional. Que nivel!

Pechando as actuacións, Xulia, de 6º, deleitounos cunha fermosa peza tipicamente galega, como nos ten acostumados esta nosa pandereteira.

Deseguido cantamos ao Maio, que construímos coa colaboración de toda a comunidade educativa así que grazas, familias, alumnado e profesorado, polas vosas achegas. 

Como novidade, este ano levamos o Maio á exposición que organiza a Asociación de Veciños no Mercado do Calvario, onde podedes visitalo esta fin de semana.

Para rematar, alumnado e profesorado cantaron o himno galego, clausurando esta celebración de compromiso coa nosa lingua e cultura.

CHEGAN OS MAIOS!

Fieis á nosa cultura, no CEIP Plurilingüe O Pombal volveremos conmemorar os Maios. Nesta festa as xentes de Galicia celebraban a primavera construíndo e bailando arredor dos "Maios", como fixemos o ano pasado.

Como novidade, este ano a Asociación de Veciños do Calvario organiza unha exposición no Mercado, na que participaremos achegando o Maio do Pombal que construiremos entre familias, alumnado e profesorado.

Pedimos colaboración ás familias e alumnado para que traiades entre o luns 19 e martes 20 de maio algunhas das seguintes herbas, que podedes deixar nas caixas que haberá fronte á entrada do edificio principal.

Na celebración colexial cantaremos  tod@s xunt@s a tradicional copla de Curros Enríquez da que deixamos a letra e un fermoso vídeo así como o himno de Galicia.

📢AUDIO: "Os Maios"

📣 AUDIO: himno galego

CERTAME MUSICAL "LETRAS GALEGAS 2025"

Como no Día das Letras Galegas deste 2025 homenaxéase ás cantareiras populares, o Equipo de Dinamización Lingüística do CEIP Plurilingüe O Pombal propón á comunidade educativa un certame musical.

BASES DO CERTAME MUSICAL "LETRAS GALEGAS 2025"

🎵1. PRODUTO: o certame consiste na gravación dunha canción en galego, que pode ser inventada ou existente.

🎵2. PARTICIPANTES: poderán participar o alumnado e as familias do CEIP Plurilingüe O Pombal, podendo facelo en solitario ou en conxunto.

🎵 3. PRAZO: poden enviarse as cancións ata o 20 de maio.

🎵4. COMO PARTICIPAR: as persoas participantes deben gravar unha canción en galego. Aconsellamos facelo con vocaroo (preme para acceder), que é unha páxina gratis, sen rexistro e moi sinxela, mais vale calquera outro progra
ma de gravación.

🎵5. ENVÍO DAS CANCIÓNS: as cancións deben enviarse seguindo esta ligazón ou premendo no icono.

🎵 6. PREMIOS: haberá diferentes premios en función do número de participantes e da calidade das obras.

🎵7. XURADO: estará composto polo profesorado do centro que compón o Equipo de Dinamización Lingüística,  polo Equipo Directivo e pola profesora especialista en Música.

🎵 8. ACEPTACIÓN DAS BASES: a participación no certame é totalmente voluntaria e implica a aceptación destas bases. 

LETRAS GALEGAS 2025

A Real Academia Galega dedica o Día das Letras Galegas 2025 ás cantareiras que fixeron da poesía popular unha arte e un acto de resistencia a prol da lingua.

No CEIP Plurilingüe O Pombal conmemoraremos este día tan noso cun certame musical, unha celebración colexial e traballando as figuras das homenaxeadas nas aulas.

As cantareiras, por Nuria Díaz

 🎵CERTAME MUSICAL

Aberto a alumnado e familias e cunha soa condición: gravar en galego! Consulta toda a info

💙AS HOMENAXEADAS

Pero... quen foron Adolfina, Rosa, Eva, Manuela, Teresa, Prudencia e Ascensión? Na serie de vídeos "se canto é porque quero"  a Real Academia Galega dá a coñecer ás cantareiras homenaxeadas.

🎉CELEBRACIÓN COLEXIAL

A celebración deste ano será diferemnte pois por coincidencia de datas imos celebrar o Día das Letras Galegas cos Maios. Entre outras cousas cantaremos a copla "Os Maios", de Curros Enríquez, e o himno galego. Velaquí as letras o os audios.🎵

📢AUDIO: "Os Maios"

📣 AUDIO: himno galego

📚MATERIAL DIDÁCTICO

 📒Guía de actividades da Xunta de Galicia, elaborada polo CEIP Pl. Celso Emilio Ferreiro de Cerdeda (A Coruña):

• NEAE
• Ed. Infantil
• 1º ciclo
• 2º ciclo
• 3º ciclo
  
  
• 📙Seminario Galán
• 📜Primavera das Letras
• 📚Real Academia Galega

UN TRIMESTRE DE MOITO GALEGO

No Pombal o galego está moi vivo! Proba diso son os moitos eventos que tivemos neste trimestre. Velaquí unha breve escolma.

🌾 BAUTIZO DO HORTO ESCOLAR 

A proposta de Lía (4ºB) foi a gañadora do concurso para buscar nome para o noso horto escolar.  "Chorima, a horta que máis che mima" será a nova denominación deste espazo que xa comeza a estar cheo de vida.

- Por que "chorima", Lía, e que significa?

- Atopei esa palabra casualmente no libro de Lingua. Gustoume moito porque a chorima é a flor amarela do toxo, unha planta moi típica dos nosos montes.

Leonor (5ºA) encargouse de adornar a presentación cun fermoso debuxo que estará no horto, ao igual que todas as achegas feitas polo alumnado participante.

🎵 MÚSICA POPULAR

A Unión Musical de Cabral visitou o noso centro para explicar á rapazada que é unha banda musical e facer un achegamento á musica popular. Conseguiron que todos os ollos e orellas estiveran pendentes dunha actuación chea de sorpresas, música e bo humor.

Velaquí un folleto informativo sobre as clases que dan para rapazada a partir dos 3 anos.

📑 CERTAME DE RELATOS

Doce valentes de 5º e 6º decidiron participar no certame de relato curto de FANPAS. Coa axuda e correccións do Equipo de Dinamización Lingüística presentaron textos de diversos xéneros: terror, aventuras, fantasía...

Ficamos atentos á resolución do certame que chegará proximamente!

🐟 CONCURSO PARA CREAR A "CALVARITO"

O alumnado está facendo a súa proposta para crear a mascota do Mercado do Calvario, "Calvarito", unha iniciativa do Mercado para celebrar o seu centenario.   

🙋 LITERATURA E TEATRO

A biblioteca escolar bule de actividade! Alén dos tradicionais desafíos contamos coa visita de persoas escritoras: Miguel A. Diz, Andrea Maceiras...

A compañía A Xanela de Maxín organizou unha pequena representación teatral na que as actrices e actores foron os nosos axudantes bibliotecarios. 

E continuamos coas tradicionais visitas á Biblioteca Pública Municipal Neira Vilas, onde o alumnado aprende sobre os servizos que ofrecen e gozan dunha animación á lectura co seu persoal que tan ben nos trata sempre!

DÍA DE ROSALÍA 2025

Un ano máis no CEIP Plurilingüe O Pombal celebramos un aniversario moi especial. Este 23 de febreiro faría anos a nosa escritora máis importante: Rosalía de Castro.

Neste aniversario agasallámoslle con algo moi especial, o seu soño feito realidade: enchemos Galicia de galego, a lingua que ela defendía e amaba!

Para iso a rapazada decorou mapas de Galicia que encheu con fermosas palabras en galego da súa escolla e colocounos onda a imaxe de Rosalía que nos dá a benvida ao edificio novo.

Tamén nesta semana os timbres de entrada foron substituídos polos seus poemas musicalizados e o alumnado de 4º e 5º gravou un podcast moi interesante que podedes escoitar premendo no logo da radio.

Grazas a todas as persoas que fixeron posible este aniversario tan especial. Rosalía continúa viva e o galego tamén!